Amerika maşınları ucuzlaşacaq, Alman avtomobilləri isə... - Qərara saatlar qaldı

Amerika Birləşmiş Ştatları sabahdan (2 aprel 2025-ci il ) etibarən idxal edilən bütün avtomobillərə yüksək gömrük vergiləri tətbiq etməyə başlayacaq.

Milli.Az xəbər verir ki, Trampın qərarından sonra bu vergilərin qısa müddətdə idxal edilən avtomobil qiymətlərini artıracağı, ikinci əl avtomobil bazarını təsir edəcəyi və ABŞ-da istehlakçıların mövcud avtomobillərini daha uzun müddət istifadə etmələri gözlənilir.

ABŞ-nin yeni prezidenti Donald Trampın qərarı ilə əlaqədar olaraq Amerika hərraclarında satılan Alman və Yapon avtomobilləri bahalaşacaq. Tramp istəyir ki, yerli avtomobillər ( "Ford", "Chevrolet", "Jeep", "Tesla" və s. ) daha çox alınsın. Bu səbəbdən də digər avtomobil satışlarının azalması üçün belə bir addım atıb. O, düşünür ki, həmçinin bununla avtomobil sənayesindən 100 milyard dollar əlavə gəlir əldə edə bilər.

Kanadalı iqtisadçı Pol Aşvort bu gəlirin 50 milyard dollara qədər azala biləcəyini və qiymət artımlarının yeni avtomobilləri lüks istehlak məhsuluna çevirəcəyini vurğulayır. Bu vəziyyət, xüsusilə "Ferrari" kimi lüks markaların qiymət artımına getməsinə səbəb olur. "Porsche" kimi alman istehsalçıları isə daha da çox təsirlənəcək, çünki bu markaların ABŞ-dakı satışları son 15 ildə davamlı olaraq artıb.

Trampın qərarından ən çox zərərçəkən ölkələrdən biri Almaniya olacaq. Volkswagen, Mercedes-Benz, BMW və Porsche üçün ABŞ, Çindən sonra ən vacib xarici bazar hesab edilir. "Bloomberg"in hesablamalarına görə Trumpın gətirəcəyi gömrük vergiləri, Porsche və Mercedes-Benz-in 2026-cı il üçün proqnozlaşdırılan gəlirlərini sıfıra endirə bilər. İstehsalçılar bu vergiləri qarşılayabilmək üçün ya qiymətləri artırmalı, ya da istehsalı ABŞ-yə köçürməli olacaqlar.

Bütün bunlarla yanaşı, bu qərar, qlobal ticarət zəncirində ciddi pozuntulara və avtomobil istehsalçıları ilə bağlı daha geniş iqtisadi təsirlərə səbəb ola bilər. Almaniya iqtisadçıları, bu vergilərin avtomobil sənayesi və onun təchizatçıları üçün böyük fəsadlar doğuracağını bildirirlər. Həmçinin, Birləşmiş Ştatlardakı istehlakçılar da bu qərardan zərər çəkəcək.

Almaniyanın bir çox şirkəti, xüsusilə Porsche, Mercedes-Benz və BMW, artıq bu vergilərdən zərər görməyə başladığını bildirərək, gələcək ixracat proqnozlarını aşağı salmağa başlayıblar. Ekonomistlər Trump'ın bu vergi siyasətinin qlobal ticarətə mənfi təsir göstərəcəyi və Avropa Birliyi ilə mümkün qarşılıqlı tədbirlərin vacibliyini vurğulayırlar.

İslam
Milli.Az