Avto

Maşınlarda qaz balonları buna görə partlayır

22 Mart 2025 14:44
Baxış: 1 596
VTB-də minimal faiz dərəcəsi ilə nağd kredit 9.9%-dən
#AVTO #PARTLAYIŞ #SÜRÜCÜ #AVTOMOBİL

Azərbaycanda avtomobillərə qaz avadanlıqlarının quraşdırılması qadağan deyil. Bu, Daxili İşlər Nazirliyinin təlimatına əsasən tənzimlənir və Dövlət Yol Polisi tərəfindən xüsusi icazə ilə həyata keçirilir.

Bu sözləri Axar.az-a açıqlamasında nəqliyyat eksperti Eldəniz Cəfərov son zamanlar qaz balonları olan maşınların partlaması hallarına münasibət bildirərkən qeyd edib.

Ekspertin sözlərinə görə, sürücülər avtomobillərinə qaz balonu quraşdırmadan əvvəl mütləq Dövlət Yol Polisinin laboratoriyasına müraciət etməlidirlər:

"Orada qaz balonunun nə dərəcədə düzgün quraşdırılması və təhlükəsiz olduğu yoxlanılır, həmçinin avtomobilin konstruksiyasına dəyişiklik edilib-edilmədiyi müəyyən edilir. Yalnız bundan sonra qaz avadanlığının quraşdırılmasına icazə verilir".

Eldəniz Cəfərov bildirib ki, son vaxtlar qaz avadanlığı olan avtomobillərdə baş verən partlayışların əsas səbəbi qaz balonlarının təlimata uyğun quraşdırılmaması, kustar üsulla yerləşdirilməsi, sertifikatsız və zəmanətsiz olması və vaxtında texniki baxışdan keçirilməməsi ilə bağlıdır:

"Cəmiyyətdə bu məsələyə dair müxtəlif fikirlər var. Bəzi insanlar hətta sertifikatlaşdırılmış yerlərdə quraşdırılan qaz balonlarında belə sızmaların olduğunu bildirirlər. Buna görə də hesab edirəm ki, baş verən partlayışlardan sonra aidiyyəti qurumlar mütləq araşdırma aparmalı və cəmiyyətə məlumat təqdim etməlidirlər".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.