Avto

"Toyota" və "Lexus"da problem aşkarlandı - 140 min maşın geri çağırılır

8 Fevral 2025 10:30

Baxış: 2 092

VTB-də minimal faiz dərəcəsi ilə nağd kredit 9.9%-dən

#DÜNYADA #İQTİSADİYYAT #AVTO #TOYOTA MOTOR CORP #LEXUS #AVTOMOBİL #MAŞIN BAZARI

"Toyota" və "Lexus"da problem aşkarlanıb.

Milli.Az xəbər verir ki, şirkətin verdiyi açıqlamaya görə 140 mindən çox "Toyota" və "Lexus" avtomobili geri çağırılır.

Toyota geri çağırmaların müəyyən "Tacoma 4WD" modelləri ilə yanaşı, "Toyota Camry" və "Lexus RX" avtomobillərini də əhatə etdiyini bildirib. Şirkət Tacoma modellərində arxa təkərlərin içində kifayət qədər palçıq və kir yığılması halında arxa əyləc xortumlarının zədələnə biləcəyini açıqlayıb.

"Camry" və "Lexus RX" modellərində isə ikinci sıradakı orta təhlükəsizlik kəmərlərinin istehsal zamanı zədələnmiş ola biləcəyi qeyd edilib. Toyota geri çağırmadan təsirlənən müştərilərin 2025-ci ilin aprel ayının əvvəlinə qədər məlumatlandırılacağını bildirib.

Hər iki geri çağırma çərçivəsində lazımi dəyişikliklər pulsuz həyata keçiriləcək.

İslam
Milli.Az