Avto

Bu üsulla pul ödəmədən işıqdan istifadə edə bilərsiniz - VİDEO

21 Dekabr 2024 00:09

Baxış: 4 929

VTB-də minimal faiz dərəcəsi ilə nağd kredit 9.9%-dən

#VİDEO #ELEKTRİK ENERJİSİ #ELEKTROMOBİL

Azərbaycanda hibrid avtomobillərə tələbat kəskin artıb.

Milli.Az Xəzər TV-yə istinadən bildirir ki, gündəlik istifadədə olan bu avtomobillərin əsas dəyişən ehtiyat hissələrindən biri də batareyalarıdır. Mütəxəsislər deyirlər ki, bu avtomobillərin batareyaları sıradan çıxdıqda onu hara gəldi atmaq olmaz. Bu, ekologiyaya ciddi şəkildə ziyan vurur.

Elektrikli avtomobil batareyalarının utilizasiyası həm ekoloji cəhətdən vacibdir, həm də qiymətli materialların təkrar istifadəsi baxımından mühüm əhəmiyyət kəsb edir. Eyni zamanda təkrar emaldan sonra batareyalardan elektrik enerjisinin əldə edilməsi də mümkündür.

Elektromobil ustası İlqar İskəndərov deyir ki, inkişaf etmiş bir çox ölkələrdə belə batareyalar, xüsusi toplama mərkəzlərinə və ya təkrar emal stansiyalarına göndərilir. Təkrar emal prosesindən keçirilmiş materiallar təmizlənir və yenidən istifadə üçün uyğun hala gətirilir. Bu maddələr yeni batareyaların istehsalında və ya digər sənaye sahələrində istifadə oluna bilər.

Ekologiya və Təbii Sərvətlər Nazirliyindən isə "Xəzər Xəbər"ə bildirildi ki, elektromobillərin batareyalarının utilizasiyası ilə bağlı işçi qrupu yaradılıb.

Mövzu ilə bağlı daha ətraflı videomaterialı təqdim edirik.

Milli.Az