Avto

Köhnə Ford yeni "Lamborghini" qiymətinə satışa çıxarıldı - FOTO

2 Aprel 2024 22:43

Baxış: 1 388

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #AVTOMOBİL

1968-ci il istehsalı olan "Ford Mustang" "eBay"da hərraca çıxarılıb. İdman avtomobili üçün 215.000 dollar qiymət nəzərdə tutulub. Bu, yeni "Lamborghini Urus" qiymətinə bərabərdir.

Milli.Az sfera.az-a istinadən bildirir ki, hərraca çıxarılan "Ford Mustang" məhdud buraxılışla satışa çıxarılıb. "Ford Mustang CobraJets"dan cəmi 50 ədəd istehsal edilib.

"Ford Mustang CobraJet", kapotun altında 7,0 litrlik V8 mühərriki olan idman avtomobilinin nadir kompressorlu versiyasıdır. Bu model 5,4 saniyəyə 100 km/saat sürət yığa və 200 km/saatdan çox sürətə çata bilir.

4 pilləli mexaniki transmissiya ilə "Ford Mustang CobraJet" 402 m məsafəni 13,5 saniyəyə qət edə bilir. Maksimal sürət 200 km/saatdan çoxdur.

Qeyd edək ki, hərraca çıxarılan 1968-ci il istehsalı "Ford Mustang" cəmi 13.100 km qət edib. Tam restavrasiyadan keçib və təzə kimi görünür.

Milli.Az

Xəbərlərimizi WhatsApp kanalımızdan da oxuyun