Ermənistan

Ermənistanın sabiq prezidentinin xarici ölkə vətəndaşı olması ilə bağlı istintaq davam edir

4 Aprel 2025 10:48

Baxış: 483

VTB-də minimal faiz dərəcəsi ilə nağd kredit 10.49%-dən

#ERMƏNİSTAN

Ermənistanın keçmiş prezidenti Armen Sarkisyanın xarici ölkə vətəndaşı olması ilə bağlı ibtidai istintaq davam edir.

Milli.Az APA-ya istinadə xəbər verir ki, bu barədə "Sputnik Ermənistan"ın sorğusuna cavab olaraq Ermənistan İstintaq Komitəsindən bildirilib.

İstintaq Komitəsi heç bir təfərrüatı açıqlamayıb.

Bundan əvvəl işin Milli Təhlükəsizlik Xidmətindən İstintaq Komitəsinə verildiyi məlum olub.

Xatırladaq ki, Armen Sarkisyan 2018-2022-ci illərdə Ermənistan prezidenti olub. O, 2022-ci ilin yanvarında ölkədəki siyasi proseslərə təsir etmək üçün kifayət qədər səlahiyyətinin olmadığını əsas gətirərək istefa verib. Hetq.am istefa verdiyini elan etdikdən bir gün sonra, Sarkisyanın ən azı seçilməmişdən əvvəl Karib hövzəsində yerləşən Sent Kitts və Nevis kiçik ada dövlətinin vətəndaşı olduğunu bildirib.

Nəşrin məlumatına görə, o, bunu 500 min dollarlıq sərmayə müqabilində alıb. Ermənistan Konstitusiyasına görə, xarici vətəndaşlığın olması şəxsi prezident seçilmək hüququndan məhrum edir.

Milli.Az