Keşiş Qalstanyan həbs edildi - Yenilənib - VİDEO - FOTO

Erməni Apostol Kilsəsinin arxiyepiskopu Baqrat Qalstanyan hakimiyyəti ələ keçirməyə cəhd işi üzrə iki ay müddətinə həbs edilib.

Bu barədə "RİA Novosti" onun vəkili Ovannes Xudoyana istinadən xəbər verir.

Vəkilin sözlərinə görə, qərardan apellyasiya şikayəti veriləcək.

Ermənistan İstintaq Komitəsi Qalstanyan və daha on nəfərdən çox şəxsi hakimiyyəti zorakı yolla ələ keçirməyə və terror aktlarına hazırlıqda iştirakda ittiham edir. İş üzrə bir neçə şəxs, o cümlədən David Qalstanyan və arxiyepiskopun köməkçisi Movses Şarbatyan artıq saxlanılıblar.

Həbs edilənlər, hakimiyyətin iddiasına görə, qarşısı alınmış çevriliş cəhdinin arxasında duran "Müqəddəs mübarizə" hərəkatı ilə əlaqəlidirlər.

Dünən Ermənistan İstintaq Komitəsi arxiyepiskop Qalstanyan və onun silahdaşlarını respublikada hakimiyyəti ələ keçirmək məqsədilə terror aktları hazırlamaqda ittiham edib. Hüquq-mühafizə orqanları hərəkat tərəfdarlarının mənzillərində və Qalstanyanın evində axtarışlar aparıb.

Arxiyepiskopa qarşı ittihamı şərh edən Paşinyan bildirib ki, hüquq-mühafizə orqanları respublikada vəziyyəti destabilləşdirmək və hakimiyyəti ələ keçirmək üçün "kriminal oliqarxik ruhanilərin" "genişmiqyaslı və qorxunc planının" qarşısını alıblar. /Oxu.Az

--------------

2025.06.25

Baqrat Qalstanyan evində aparılan axtarışlardan sonra Ermənistan MTX tərəfindən saxlanılıb.

Milli.Az "Sputnik Ermənistan"a istinadən xəbər verir ki, bu barədə məlumatı ölkənin İstintaq Komitəsi yayıb. 

• "Sünnət olunmadığımı Qareginə sübut edə bilərəm"

Komitənin məlumatına görə, polis və Milli Təhlükəsizlik Xidmətinin əməkdaşları Qalstanyanın evində axtarış aparıblar.

Axtarışlardan sonra o, MTX tərəfindən saxlanılıb.

Bundan başqa, Daşnaksütyun Partiyasının ali orqanının üzvü İqor Sərkisyan, partiyanın Abovyan təşkilatının üzvü Vardan Avakyan və Noyemberyan təşkilatının üzvü Varazdat Amirakyanın da evlərində axtarışlar aparılıb.

Qeyd edək ki, Ermənistanda "Müqəddəs mübarizə" hərəkatının lideri, arxiyepiskop Baqrat Qalstanyan və onun tərəfdarları terror aktı törətmək və hakimiyyətin konstitusiyaya zidd yolla ələ keçirilməsinə cəhddə şübhəli bilinirlər.

Fidan
Milli.Az