Dünya

"Sünnət olunmadığımı Qareginə sübut edə bilərəm"

24 İyun 2025 16:17
Baxış: 1 592
VTB-də minimal faiz dərəcəsi ilə nağd kredit 9.9%-dən
#ERMƏNİSTAN #NİKOL PAŞİNYAN

Ermənistanın Baş naziri Nikol Paşinyanla erməni Apostol Kilsəsi arasında gərginlik daha da dərinləşir. 

Milli.Az xəbər verir ki, Paşinyan sosial şəbəkə hesabında kilsənin yüksək rütbəli nümayəndəsinə - bütün ermənilərin 132-ci katolikosu II Qaregin (əsl adı Ktrij Nersisyan) və onun mətbuat katibinə cavab verib:

"Ktrij Nersisyanın mətbuat katibi mənim sünnət olunduğumu iddia edib. Mən Ktrij Nersisyanı və onun mətbuat katibini qəbul etməyə və bunun əksini sübut etməyə hazıram" .

Bununla yanaşı, Paşinyan keşiş Ktrij Nersisyanın öz şəxsi həyatına dair suallara da cavab verməsini tələb edib:

"O, subaylıq andını pozub-pozmaması haqda suala cavab versin. Onun övladı var, ya yox?"

Qeyd edək ki, II Qaregin 1999-cu ildən bəri Erməni Apostol Kilsəsinin rəhbəridir. Paşinyan son çıxışlarında onu subaylıq əhdini pozmaqda və gizli övlad sahibi olmaqda ittiham edir. Baş nazirin sözlərinə görə, katolikos bu səbəblə öz vəzifəsindən istefa verməlidir.

Hazırda ölkədə siyasi hakimiyyətlə dini qurum arasında bu səviyyədə açıq qarşıdurma nadir hadisə sayılır və vəziyyətin yaxın günlərdə daha da gərginləşəcəyi gözlənilir.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.