Ermənistan

İrəvanda on minlərlə insan etiraz edir

15 Yanvar 2025 17:42

Baxış: 1 352

VTB-də minimal faiz dərəcəsi ilə nağd kredit 9.9%-dən

#ERMƏNİSTAN

Ermənistanın paytaxtı İrəvanda 76 min nəfər ictimai nəqliyyatda gediş haqqının bahalaşmasına qarşı çıxıb.

Milli.Az yerli KİV-lərə istinadən xəbər verir ki, bu barədə Ağsaqqallar Şurasının üzvü İzabella Abqaryan jurnalistlərə məlumat verib.

İ.Abqaryan bildirib ki, daha əvvəl başlanmış imzatoplama sabiq mer və "Yeni Güc" partiyasının lideri Hayk Marutyanın təşkil etdiyi bugünkü aksiya zamanı davam edib.

"76 min imza Ağsaqqallar Şurasına seçkilərdə "Vətəndaş Müqaviləsi" fraksiyasının topladığı səslərdən daha çoxdur. Bir çox insan imza toplamada iştirak edə bilmədi və biz bunu bu gün davam etdirməyi qərara aldıq", - o bildirib.

Fevralın 1-dən İrəvanda ictimai nəqliyyat sisteminin islahatı çərçivəsində birdəfəlik biletin qiymətinin artırılmasını nəzərdə tutan yeni tarif sistemi tətbiq ediləcək.

Hakimiyyətin hesablamalarına görə, birdəfəlik gediş 144 drama başa gələcək, müxalifət isə qiymətin 300 drama qalxacağını proqnozlaşdırır.

H.Marutyan 2024-cü il noyabrın 4-də gediş haqqının əvvəlki kimi 100 dramda qalmasını tələb edərək imza toplamağa başlayıb./"Report"

Milli.Az