Ermənistan

Keşiş Baqrat: Rusiya ilə münasibətlərin yoxluğu vəziyyətindəyik

7 İyun 2024 19:34

Baxış: 629

#RUSİYA #ERMƏNİSTAN

Ermənistan-Rusiya münasibətləri bu gün xeyli dərəcədə korlanıb və ölkələrə yeni və dərin dialoq lazımdır.

Milli.Az report-a istinadən xəbər verir ki, bunu "Vətən uğrunda Tavuş" etiraz hərəkatının lideri, arxiyepiskop Baqrat Qalstanyan xarici KİV-lərə müsahibəsində deyib.

Onun sözlərinə görə, bu dialoq artıq mövcud razılaşmalara əsaslanmalıdır: "Təbii ki, Rusiya tərəfi üçün bir çox məsələlər var. Lakin normallaşmaya ehtiyacı olan hüquqi və müqavilə münasibətləri var. Bizim münasibətlərimiz son dərəcə dərin dialoq və qarşılıqlı anlaşma tələb edir. Bu mərhələdə biz bu münasibətlərin olmaması vəziyyətindəyik. Problemlər çoxdur, lakin biz bütün bu məsələləri qarşılıqlı anlaşma və dialoq səviyyəsində həll etməyə hazır olmalıyıq".

Arxiyepiskopun nöqteyi-nəzərindən Ermənistan həm Rusiya, həm də digər ölkələr üçün etibarlı, proqnozlaşdırıla bilən tərəfdaşa çevrilməlidir. Heç bir halda bir ölkə ilə münasibətlər digər dövlətlə münasibətlərdən fərqli olaraq inkişaf etdirilməməlidir.

Milli.Az
Xəbərlərimizi WhatsApp kanalımızdan da oxuyun