Ermənistan

Ermənistan DİN-dən Kamil Zeynallının Rusiyada saxlanılması ilə bağlı AÇIQLAMA

26 Fevral 2024 14:37
Baxış: 2 747
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ermənistanın daxili işlər naziri Vahe Qazaryan azərbaycanlı idmançı Kamil Zeynallının bir qədər əvvəl Rusiyanın hüquq-mühafizə orqanları tərəfindən saxlanılması və daha sonra azadlığa buraxılması barədə açıqlama verib.

Milli.Az Trend-ə istinadən xəbər verir ki, Qazaryan bu barədə jurnalistlərlə danışıb.

Onun sözlərinə görə, Ermənistan tərəfi Rusiyanın göndərdiyi sorğunu dərhal cavablandırıb.

"Biz öz funksiyamızı tam yerinə yetirdik. Sorğu göndərildi və onu dərhal, elə həmin gün cavablandırdıq", - o deyib.

Qazaryan bunun beynəlxalq axtarış verildiyi zaman standart prosedur olduğunu bildirib.

Xatırladaq ki, 21 fevral tarixində Moskvanın Domodedovo hava limanında Ermənistanın sorğusu əsasında Azərbaycan vətəndaşı Kamil Zeynallı saxlanılıb. Sorğu MDB-yə üzv ölkələrin Dövlətlərarası müqaviləsi çərçivəsində edilib.

Azərbaycan vətəndaşının saxlanıldığı məlum olan kimi Səfir Polad Bülbüloğlunun tapşırığı ilə hava limanına konsul və vitse-konsul göndərilib və onlar vəziyyəti yerində aydınlaşdırıblar. Fevralın 21-də səhər tezdən Səfirlik tərəfindən dəvət olunmuş vəkil K.Zeynallı ilə görüş keçirib və onun qanunla nəzərdə tutulmuş hüquqlarını izah edib.

Həmin gün Kamil Zeynallı sərbəst buraxılıb və 22 fevral tarixində Azərbaycana qayıdıb.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.