Ermənistan

“Ermənistan hakimiyyəti yerli orqanları və məhkəmə sistemini ələ keçirməyə çalışır” - Ohanyan

22 Dekabr 2023 06:04

Baxış: 1 651

#DÜNYADA #ERMƏNİSTAN

"Hakimiyyət həm yerli özünüidarəetmə orqanlarında, həm də məhkəmə-hüquq sistemində idarəetməni ələ keçirmək üçün əlindən gələni edir".

Milli.Az report.az-a istinadən xəbər verir ki, bunu "Ermənistan" müxalifət fraksiyasının rəhbəri Seyran Ohanyan deyib.

O, qeyd edib ki, Ermənistanda müxalifət hakimiyyəti dəyişmək üçün əhalinin geniş təbəqələri ilə iş apara bilməyib. Ölkədəki müxalifət geniş əhali ilə hakimiyyət dəyişikliyi işini uğursuz edib.

"Biz hakimiyyət dəyişikliyi üçün cəmiyyətin geniş təbəqələrini birləşdirə bilmədik, Çünki ölkədə çoxlu problemlər var. Məsələn, demokratiya adı altında məhz demokratiyanın bərqərar olması ilə bağlı böyük problemlər gizlənir", - o bildirib

Müxalif deputat qeyd edib ki, əhalinin bir hissəsinin ciddi sosial problemləri var, digər hissəsi isə ümidsizdir:

"Bu cür seqmentləşdirmə şəraitində hər bir sahədə təsiri genişləndirmək üçün rıçaqlar lazımdır. Bu gün belə geniş rıçaqlar var və nə vaxt buna qarşı mübarizə aparmağa başlayırsınızsa, çox çətin olur".

Milli.Az
Xəbərlərimizi WhatsApp kanalımızdan da oxuyun