Amerika

Tramp: ABŞ və İran sülhlə bağlı razılığa gəlib

12 İyun 2026 00:14
Baxış: 2 057
VTB-də minimal faiz dərəcəsi ilə nağd kredit 9.9%-dən
#AMERİKA

ABŞ Prezidenti Donald Tramp Vaşinqton və Tehran arasında müharibənin dayandırılması ilə bağlı razılıq əldə olunduğunu açıqlayıb.

Milli.Az APA-ya istinadən bildirir ki, Tramp bu barədə Ağ Evdə jurnalistlərin suallarını cavablandırarkən bildirib.

"Biz indicə İranla müharibənin başa çatdırılması ilə bağlı çox yaxşı razılaşmalar əldə etdik", - deyə ABŞ prezidenti vurğulayıb.

Onun sözlərinə görə, tərəflər hazırda sənədləşmə prosesini yekunlaşdırırlar.

"Sənədlərin rəsmiləşdirilməsini başa çatdıracağıq. Bu, bir neçə gün ərzində həyata keçirilməlidir", - deyə Tramp qeyd edib.

ABŞ lideri əlavə edib ki, əldə olunmuş razılaşmaların imzalanması artıq bu həftəsonu baş tuta bilər.

"Razılaşma imzalanan kimi Hörmüz boğazı da rəsmi şəkildə açılacaq. Bu, çox tez, çox yaxın vaxtda baş verə bilər. Ola bilsin ki, həftəsonu Avropada baş tutsun. Mən orada olmayacağam, amma vitse-prezident Cey Di Vens iştirak edəcək", - deyə Tramp bildirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.