Amerika

ABŞ-də tutuquşu qatilin tapılmasına kömək edib

10 Fevral 2026 10:23
Baxış: 939
VTB-də minimal faiz dərəcəsi ilə nağd kredit 9.9%-dən
#AMERİKA

ABŞ-ın Miçiqan ştatında danışan bir tutuquşu polisin qatilin izinə düşməsinə kömək edib. Quş eyni ifadəni dəfələrlə təkrarlayırdı və bu da istintaq üçün əsas ipucu olub.

Milli.Az-ın məlumatına görə, bu barədə Mirror nəşri yazıb.

Polis Martin və Qlenna Düramın evinə gəldikdə, kişinin bədənində beş güllə yarası ilə ölü vəziyyətdə, qadını isə güllə yarası almış halda aşkar edib. Ev sahibəsi hələ sağ idi. O, baş verənlər barədə heç nə bilmədiyini bildirib və atəş açanı görmədiyini israrla deyib.

İstintaq dalana dirənmişdi. Ta ki, müstəntiqlər evdə yaşayan Afrika boz tutuquşusuna diqqət yetirənədək. Bad adlı quş davamlı olaraq mərhum sahibinin səsi ilə "Atma" ifadəsini təkrarlayırdı. Öldürülən kişinin keçmiş həyat yoldaşı və valideynləri Badın cinayət gecəsi deyilən sözləri təkrarlaya biləcəyini ehtimal ediblər.

Daha sonra hüquq-mühafizə orqanları qadın tərəfindən yazılmış bir neçə vida məktubu tapıblar. Həmçinin məlum olub ki, cütlük maddi çətinliklər yaşayırmış.

Nəticədə detektivlər qadının ərini öldürdüyü və daha sonra özünə qəsd etməyə cəhd göstərdiyi qənaətinə gəliblər. Qlenna birinci dərəcəli qətldə təqsirli bilinib və ömürlük həbs cəzasına məhkum edilib.

Ayxan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.