Amerika

"Xamenei xəstə bir adamdır, İrana yeni rəhbərlik lazımdır"

17 Yanvar 2026 22:49
Baxış: 2 051
VTB-də minimal faiz dərəcəsi ilə nağd kredit 9.9%-dən
#IRAN #AMERİKA #DONALD TRAMP

ABŞ Prezidenti Donald Tramp İrandakı etirazlar zamanı baş verən itkilərə görə onu günahlandıran Ayətullah Əli Xameneiyə kəskin etiraz edib. Tramp Xameneini hədəf alaraq bildirib ki, İranın artıq "yeni bir liderliyə" ehtiyacı var.

Milli.Az xəbər verir ki, "Politico" nəşrinə müsahibə verən Tramp Xameneinin ittihamlarını rədd edərək onun haqqında ağır ifadələr işlədib.

Tramp bildirib ki, ölkədəki zorakılığın əsl səbəbkarı Xameneinin özüdür.

"Xamenei xəstə bir adamdır. O, ölkəsini düzgün idarə etməli və insanları öldürməyi dayandırmalıdır. İran pis rəhbərlik ucbatından dünyanın yaşamaq üçün ən pis ölkələrindən birinə çevrilib", - deyə ABŞ Prezidenti vurğulayıb.

Tramp İran rəhbərliyini ölkəni dağıtmaqda ittiham edib. O, qeyd edib ki, bir ölkə lideri olaraq Xamenei "əvvəllər görünməmiş səviyyədə zorakılıq tətbiq etməkdə" günahkardır.

Bu qarşılıqlı söz savaşı Xameneinin bir neçə saat əvvəl etdiyi çıxışdan sonra başlayıb. Xamenei etirazlarda minlərlə insanın öldüyünü etiraf etsə də, buna görə birbaşa ABŞ və İsraili, xüsusən də Donald Trampı günahlandırmışdı.

Trampın çıxışında ən diqqət çəkən məqam İranın mövcud idarəetmə sisteminin dəyişməli olduğunu bildirməsidir. O, liderliyin qorxu və ölüm yox, hörmət üzərində qurulmalı olduğunu qeyd edib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.