Amerika

Tramp ailəsi bir gecədə 6 milyard dollarlıq sərvət qazandı

3 Sentyabr 2025 08:46

Baxış: 3 207

VTB-də minimal faiz dərəcəsi ilə nağd kredit 9.9%-dən

#DONALD TRAMP

ABŞ Prezidenti Donald Tramp və ailəsi yeni kriptovalyuta addımı ilə bir gecədə 6 milyard dollar qazanıb. Bu nəhəng gəlir, illərdir davam edən daşınmaz əmlak imperiyasını belə kölgədə qoyaraq ailənin ən dəyərli sərvəti halına gəlib.

Tramp ailəsi, "World Liberty Finance" (WLFI) adlı kripto layihəsindəki payları ilə diqqət çəkir. Yeni bazara çıxarılan kriptovalyuta sayəsində Tramp ailəsi 6 milyard dollarlıq kağız üzərində sərvət əldə edib. Bu qazancın Tramp ailəsinin prezidentlik dönəmindəki ən böyük maliyyə uğuru olduğu qeyd olunur.

Məlumatlara görə, ailə bazarda mövcud olan bütün WLFI tokenlərinin təxminən dörddə birinə sahibdir. Bu pay WLFI-ni Tramp ailəsinin ən dəyərli varlığına çevirib və onların illərlə qurduqları daşınmaz əmlak portfelini belə geridə qoyub.

Layihənin qurucu ortaqları arasında Trampın oğulları Donald Trump Jr., Erik Tramp və Barron Tramp yer alır. Prezident Donald Tramp isə "Kurucu Ortak Emeritus" (fəxri qurucu) titulu ilə layihəyə simvolik və strateji dəstək verir.

Donald Tramp təxminən bir il əvvəl seçki kampaniyası zamanı World Liberty Finance-in təqdimatına dəstək vermiş, layihəni "Amerikanı bu dəfə kripto ilə yenidən böyük etmək" vizyonunun bir hissəsi kimi xarakterizə etmişdi.

Son günlərdə WLFI tokeninin sürətli dəyər artımı, Trampın Ağ Evdən kripto sənayesinə verdiyi müsbət mesajlar, tənzimləyici maneələri azaltma vədləri və xüsusi rəqəmsal pulların ABŞ iqtisadiyyatını canlandırma potensialına etdiyi vurğularla əlaqələndirilir.

Lalə Qüdrətova
Milli.Az

Milli.Az - Xəbər Portalı

Tramp ailəsi bir gecədə 6 milyard dollarlıq sərvət qazandı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?