İdman

"Xəzər Lənkəran" dağılır: kimlər gedəcək?

28 Noyabr 2015 12:49
1 Şərh     Baxış: 1 119
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Xəzər Lənkəran" klubu bütün təcrübəli futbolçuları ilə yollarını ayırmağa qərar verib.

Milli.Az report.az-a istinadən xəbər verir ki, bu barədə rəhbərliklə komanda üzvləri arasında görüşdə bildirilib.

Komanda üzvlərinə deyilib ki, mövsümün ilk yarısı yekunlaşdıqdan sonra yüksək ödənişli oyunçular heyətdən göndəriləcək. Ona görə də indidən hərəyə özlərinə klub axtarmaları tövsiyə olunub. Rəhbərlik bu addımı üzləşdikləri maddi problemlərlə əlaqələndirib.

Artıq müdafiəçi Rasim Ramaldanov qış fasiləsini gözləmədən komanda ilə vidalaşıb. Yaxın vaxtlarda digər təcrübəlilər, o cümlədən Rahid Əmirquliyev komandanı tərk edəcək. "Xəzər Lənkəran" mövsümün ikinci hissəsində yalnız öz gənc yetirmələri ilə çıxış edəcək. Klubun xaricdə təlim-məşq toplanışı da böyük ehtimalla baş tutmayacaq. Amma Yunis Hüseynov baş məşqçi postunu tərk etməməyə qərar verib.

Qeyd edək ki, "Xəzər Lənkəran" 13 turdan sonra Azərbaycan Premyer Liqasında 12 xalla 8-ci pillədə qərarlaşıb. Klub bu gün "Zirə"nin qonağı olacaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.