"Real"ın futbolçusu Kriştianu Ronaldunun İspaniya Superkubokunda "Atletiko" ilə cavab matçında iştirak edib-etməyəcəyi dəqiqləşib.
Milli.Az qol.az-a istinadən bildirir ki, "Kral klubu"nun baş məşqçisi Karlo Ançelotti deyib ki, portuqaliyalı hücumçu sözügedən oyunda meydana çıxacaq:
"Ronaldu bu gün komanda ilə birgə məşqlərə başlayıb. O, özünü yaxşı hiss edir. "Atletiko" ilə görüşdə Ronaldo əsas heyətdə yer alacaq".
Qeyd edək ki, "Real" və "Atletiko" komandaları arasında ilk oyun 1:1 hesabı ilə başa çatıb.
Milli.Az