Cəmiyyət

Ramil Usubovdan Bakı yol polisinə yeni rəis təyinatları

9 Noyabr 2015 20:19

Baxış: 11 470

Milli.Az xəbər verir ki, daxili işlər naziri general-polkovnik Ramil Usubovun müvafiq əmrlərinə əsasən Bakıda yol polisi sistemində rəhbər vəzifələrə yeni təyinatlar olub.

Belə ki, Bakı Şəhər Baş Polis İdarəsinin YPX Şöbəsinin rəisi polis polkovnik-leytenantı Fərhad Eyyubov Bakı Şəhər Baş Polis İdarəsinin Dövlət Yol Polisi İdarəsinin rəis müavini vəzifəsinə təyin edilib.

Bakı Şəhər Baş Polis İdarəsinin Dövlət Yol Polisi İdarəsinin bölük komandiri, polis mayoru Cəmşid Hənifəyev Bakı şəhər Səbail rayon Polis İdarəsinin Yol Şöbəsinin rəisi təyin edilib.

Yasamal Rayon Polis İdarəsinin Yol Polisi Şöbəsinin rəisi polis polkovnik-leytenantı Elşad Məmmədov isə Bakı şəhər Baş Polis İdarəsinin Dövlət Yol Polisi İdarəsinin Yol Patrul Xidməti Alayının Eskort və Müşayiət bölüyünün komandiri vəzifəsinə təyin edilib.

Həmin İdarədə rəis müavini işləmiş polis polkovnik-leytenantı Qəhrəman Qələndərov Yasamal Rayon Polis İdarəsinin Yol Polisi Şöbəsinə rəis təyin olunub.

Pünhan

Milli.Az