Cəmiyyət

Xaçmaz avtovağzalı gücləndirilmiş iş rejiminə keçib

25 Dekabr 2012 18:30

Baxış: 3 716

VTB-də minimal faiz dərəcəsi ilə nağd kredit 10.49%-dən

Milli.Az Regional TV-yə istinadən xəbər verir ki, adi vaxtlarda Xaçmaz mərkəzi avtovağzalından gün ərzində 200-ə yaxın sərnişin paytaxta yola salınır. Bunun üçün 9-10 sərnişin avtobusu fəaliyyət göstərir. Bayram ərəfəsində isə sərnişindaşımada artım müşahidə olunur. Həm paytaxdan rayona, həm də əks istiqamətə gedən vətəndaşların sayı əvvəlki günlərə nisbətən artıb. Bu məqsədlə Xaçmaz mərkəzi avtovağzalı gücləndirilmiş
iş rejiminə keçib. Xaçmaz-Bakı marşrutu üzrə işləyən avtobusların sayı artırılıb.

Avtovağzalın kassalarında bilet satışında artım müşahidə olunmayıb. Amma bayram günləri yaxınlaşdıqca kassalara müraciət edənlərin sayının artacağı da istisna olunmur.

Bayram günlərində Xaçmadan digər rayonlara gedən marşurutlar üzrə sərnişindaşımada nəzərəçarpacaq artımın olmayacağı gözlənilir. Bu istiqamətlərdə nəqliyyat vasitələri əvvəlki qrafik üzrə fəaliyyət göstərəcək. Paytaxt istiqamətində sərnişin sıxlığı yanvarın 1-dən
müşahidə olunacaq.

Taksilərin qiymətləri, hələ ki, stabildir. Sürücülər qiymətlərin artmayacağını bildiriblər. Hazırda Xaçmazdan Bakıya bir sərnişin 5 manata aparılır.

Xaçmaz mərkəzi avtovağzalından şəhərdaxili işləyən marşrutlarda isə əlavə dəyişikliklər olmayacaq.

Milli.Az

Milli.Az - Xəbər Portalı

Xaçmaz avtovağzalı gücləndirilmiş iş rejiminə keçib

DİGƏR XƏBƏRLƏR

XƏBƏR LENTİ

TOP VIDEO

SORĞU

Süni intellekt peşənizə necə təsir edə bilər?