PUL
Keçmiş evli cütlük - məşhur aktyor Tolga Karel ilə azərbaycanlı model Günay Musayevanın münasibətləri yenidən gərginləşməyə başlayıb.
Milli.Az qafqazinfo-ya istinadən xəbər verir ki, Günay Musayevadan olan oğlu Cahangirə "Pulum yoxdur" deyərək aylıq 500 TL aliment verən aktyor övladını unutmağa başlayıb.
Çikaqoda yaşayan Karel yeni həyat yoldaşı Sara Marqaretə 200 min dollar dəyərində "Range Rover" markalı avtomobil alıb.
Aktyor ötən gün isə özünə aldığı "Porsche 911 Carrera" markalı yeni maşınının fotosunu isntaqramda paylaşıb.
"BMW" markalı bir motosikleti də olan Tolqanın lüks həyatı müzakirə mövzusuna çevrilib.
Bütün diqqət aktyorun eks-həyat yoldaşı Günay Musayevaya çevirilib. Azərbaycanlı model isə alimentin qiymətini qaldırmaq üçün məhkəməyə müraciət edəcək.
Xatırladaq ki, məşhur cütlük 2011-ci ildə evlənmiş, ötən il isə münasibətlərinə son qoymuşdu.
Karel 4 il evli qaldığı modelə boşanarkən 40 min lirə pul vermişdi.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
