Dünya

Ərdoğan G20-nin Əfqanıstan üzrə işçi qrupunu yaratmağı təklif edib

13 Oktyabr 2021 08:04

0 Şərh Baxış: 517

Əfqanıstanda təhlükəsizliyin və sabitliyin tez bir zamanda təmin edilməsi təkcə region üçün deyil, bütün dünya üçün çox vacibdir. Dünya birliyi Əfqanıstan xalqı ilə həmrəylik nümayiş etdirməlidir.

Milli.Az Trend-ə istinadən bildirir ki, bunu Türkiyə Prezidenti Rəcəb Tayyib Ərdoğan "Böyük iyirmiliyin" (G20) Əfqanıstandakı vəziyyət üzrə tacili sammitinin iştirakçılarına müraciətində deyib.

Türkiyə Prezidenti vurğulayıb ki, Əfqanıstanla dialoq kanalları açıq qalmalıdır: "Taliban"ı cəmiyyətin bütün sektorlarının istəklərinə cavab verən bir hökumət sistemi qurmağa yönəltmək üçün strateji səbir və mərhələli yanaşma lazımdır".

Bununla əlaqədar T.Ərdoğan G20-nin himayəsi altında Əfqanıstan üzrə işçi qrupunun yaradılmasını təklif edib. Eyni zamanda Ankaranın yeni qrupa rəhbərlik etməyə hazır olduğunu da nəzərə çatıdırıb.

Onun sözlərinə görə, Əfqanıstanda gedən proseslər yalnız siyasi və humanitar prizmaya deyil, həm də iqtisadi və maliyyə aspektlərə malikdir.

Milli.Az