Dünya

İranın ali lideri prezident seçkilərində səs verdi - FOTO

18 İyun 2021 09:39
Baxış: 1 040

İranın ali lideri Ayətullah Seyid Əli Xamenei bu gün İran prezident seçkilərində səsvermədə iştirak edib.

Milli.Az Trend-ə istinadən bildirir ki, İranın ali lideri həmçinin 6-cı çağırış şəhər və kənd bələdiyyələri seçkiləri, 5-ci çağırış Rəhbərlik Ekspertlər Məclisinin dövrlərarası seçkiləri və 11-ci çağırış İran parlamentinin dövrlərarası seçkiləri ilə əlaqədar səs verib.

Qeyd edək ki, bu gün İranda 13-cü çağırış prezident seçkiləri yerli vaxtla 07:00-da başlayıb. Seçkilərdə prezidentlik uğrunda 4 namizəd - İranın Məsləhət Şurasının katibi Möhsün Rzayi, İranın Məhkəmə Sisteminin sədri İbrahim Rəisi, İran parlamentinin sədr müavini Əmir Hüseyn Qazizadə Haşemi və İranın Mərkəzi Bankının sabiq baş direktoru Əbdülnasir Hemməti rəqabət aparır. Prezident seçkilərinin gecə saat 00:00-dək davam etməsi nəzərdə tutulub və səsvermə müddəti lazım gələrsə 02:00-dək uzadıla bilər. 13-cü çağırış prezident seçkilərində 59,3 milyon seçicinin səsvermə hüququ var.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.