Dünya

“Oskar” mükafatlı məşhur aktrisa vəfat etdi

2 May 2021 09:32
Baxış: 708
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Ayın Gücü" (Moonstruck, 1987) filmindəki roluna görə "Oskar" mükafatına layiq görülən amerikalı aktrisa Olmpiya Dukakis 89 yaşında vəfat edib. 

Milli.Az APA-ya istinadən bildirir ki, bu barədə aktrisanın bacısı Apollo Dukakis "facebook" səhifəsində yazıb.

"Sevdiyim bacım Olmpiya Dukakis bu səhər Nyu-Yorkda vəfat etdi. Bir neçə ay davam edən sağlamlıq problemlərindən sonra rahatlıqla dincəldi və indi əri Luisin yanındadır", deyə aktrisanın bacısı vurğulayıb.

Qeyd edək ki, yunan mühacirlərin qızı Dukakis 20 iyun 1931-ci ildə ABŞ-ın Louell şəhərində (Massaçusets ştatı) anadan olub. Film karyerasına 1960-cı illərdə başlayıb. 56 yaşında "Ayın Gücü" filmindəki yaratdığı obrazına görə "Oscar" və "Qızıl Kürə" mükafatlarının  "Ən yaxşı ikinci dərəcəli aktrisa" nominasiyasını qazanıb. Dukakisin televiziya seriallarında, təxminən 50-dən çox rolu var. O, həmçinin "Steel Magnolias" (1989) filmi ilə də məşhurdur.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.