Dünya

Misirdə qatar relsdən çıxdı: 11 ölü, 98 yaralı - YENİLƏNİB - VİDEO - FOTO

19 Aprel 2021 07:11
Baxış: 1 280

19.04.2021

07:11

Misirdə sərnişin qatarının relsdən çıxması nəticəsində 11 nəfər ölüb, 98 nəfər yaralanıb

Trend-in "TASS"a istinadən verdiyi məlumata görə, bu barədə ölkənin Səhiyyə Nazirliyindən bildiriblər.

Məlumata əsasən, ölənlər arasında Misirin Ədliyyə Nazirliyi yanında müstəqil məhkəmə orqanı olan Məhkəmə İşləri üzrə Dövlət Şurasının rəhbərinin müavini olub.

Bildirilir ki, xəsarət alanlardan 14 nəfəri xəstəxanadan evə buraxılıb, xəstəxanada qalanlardan bir neçəsinin vəziyyəti ağırdır.

Misir prezidenti Əbdülfəttah əs-Sisi hadisənin səbəbinin araşdırılması üçün hökumət komissiyasını formalaşdırmağı tapşırıb.

-----------------

18.04.2021

19:56

Misirin paytaxtı Qahirənin şimalındakı Qalyubia əyalətində qatarın relsdən çıxması nəticəsində 8 nəfər həlak olub, 109 nəfər yaralanıb.

Bu barədə "Al Arabia" telekanalı Misirin Səhiyyə Nazirliyinə istinadla məlumat yayıb.

18:37

Misirdə Qahirənin şimalındakı Qalyubia əyalətində bir qatarın relsdən çıxması nəticəsində 100-dən çox insan yaralanıb.

Milli.Az APA-ya istinadən bildirir ki, bu barədə regionun administrasiyası məlumat verib.

Əl-Ərəbiyyə telekanalının ilkin məlumatında qatar qəzasında səkkiz nəfərin öldüyü və 20-dən çox insanın yaralandığını bildirilmişdi. Qatar Əl-Mansur şəhərindən Qahirəyə yola düşüb.

Sonradan qeyd olunub ki, qəzada 109 vətəndaş xəsarət alıb.

Bölgənin qubernatorluğundan verilən məlumata görə, səkkiz vaqon relsdən çıxıb.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.