Dünya

Ermənistan MTX Qarabağda silah ticarəti ilə məşğul olan şəxsi saxlayıb

19 Fevral 2021 17:42

Baxış: 1 315

VTB-də minimal faiz dərəcəsi ilə nağd kredit 9.9%-dən

Ermənistanın Milli Təhlükəsizlik Xidməti (MTX) Qarabağda silah ticarəti ilə məşğul olan şəxsi saxlayıb.

Milli.Az APA-ya istinadən bildirir ki, Ermənistan MTX Qarabağ müharibəsi dövründə növbəti dəfə qanunsuz silah əldə edilməsi, saxlanılması və ticarətini üzə çıxarıb.

İstintaq saxlanılan şəxsin Cəbrayıl rayonunda döyüş əməliyyatında iştirak etdiyi zaman qanunsuz olaraq 45 avtomat, güllələrlə dolu 8 tapança darağı, ov silahları və ona aid patronlar, qumbaralar əldə etdiyini müəyyən edib.

Həmin şəxs əldə etdiyi bütün silah-sursatı Syünik vilayətinin Tex kəndinə gətirərək öz tanışıgildə gizlədib. Müəyyən olunub ki, o, silah-sursatların bir hissəsini satmaq niyyətində olub. Hüquq-mühafizə orqanları onu da müəyyən edib ki. rəis müavini iki "Kalaşnikov" avtomatını öz tanışlarına sata bilib.

Milli.Az