Dünya

“Ermənistan heç vaxt bu qədər ağır vəziyyətə düşməmişdi” - Qaregin

28 Yanvar 2021 16:53
Baxış: 801
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ermənistanın Baş naziri Nikol Paşinyanın istefası ilə bağlı bütün ermənilərin katolikosu II Qareginin mövqeyi dəyişməyib.

Milli.Az qafqazinfo-ya istinadən xəbər verir ki, II Qaregin bu barədə Yerablur panteonunda jurnalistlərin suallarını cavablandırarkən bildirib.

Daha əvvəl Paşinyanı istefaya çağıran katolikos jurnalistlərə açıqlamasında "Bu müqəddəs məkanda siyasi mövzularda danışmaq istəməzdim, amma sual verildiyi üçün mövqeyimdə heç bir dəyişiklik olmadığını bildirəcəm", - qeyd edib.

Qareginə görə, Ermənistan əvvəllər heç vaxt indiki qədər ağır vəziyyətə düşməyib: "Bu cür itkilərimiz yox idi, ölkə heç vaxt bu cür təhdidlərlə üzləşməmişdi, gələcəyə dair qeyri-müəyyənlik xalqımız üçün bu qədər də qorxulu dərəcədə deyildi".

O qeyd edib ki, bu vəziyyətdə Erməni Apostol Kilsəsi vəzifəsinə sadiq qalmalı, ayıldıcı sözünü deməlidir.

Xatırladaq ki, II Qaregin ötən ilin dekabrında Ermənistanda davam edən etirazlar zamanı hökuməti xalqın tələblərini dinləməyə, yeni baş nazir seçməyə və milli razılıq hökuməti qurmağa çağırmışdı.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.