Rusiya

75 yaşlı Rusiya lideri barədə 10 maraqlı FAKT - Putin kimdir? - FOTO

7 Oktyabr 2025 17:20

Baxış: 677

VTB-də yüksək depozit faizleri daha çox qazandırır

#MARAQLI #RUSİYA #VLADİMİR PUTİN

Xəbər verdiyimiz kimi, Rusiya prezidenti Vladimir Putin bu gün 7 oktyabrda 75 yaşını qeyd edir. Dövlət başçısının ad günü münasibətilə bir çox ölkə liderləri Putinə təbrik mesajları göndəriblər.

Milli.Az sizə Rusiya prezidenti Vladimir Putinin həyatı və karyerası haqqında geniş icmal təqdim edir:

O, 1952-ci ildə anadan olub və İosif Stalindən sonra Rusiyanın ən uzunmüddətli lideridir - 20 ildən çoxdur ki, ölkəni idarə edir.

Maraqlı faktlar:

1. Putin 1950-60-cı illərdə Leninqradda (indiki Sankt-Peterburq) kasıb ailədə böyüyüb. Onun atası müharibədə yaralanıb, anası isə küçələri süpürür və laboratoriyalarda işləyirmiş.

2.O, məktəbdə intizamsız şagird olub, lakin sonradan hüquq təhsili alaraq KQB-yə qoşulmağı hədəfləyib.

3.1975-ci ildə Leninqrad Dövlət Universitetini bitirdikdən sonra KQB-də çalışıb, Almaniyanın Drezden şəhərinə ezam olunub və leytenant-polkovnik rütbəsinə qədər yüksəlib. SSRİ dağıldıqdan sonra xidmətini tərk edib.

4. 1990-cı illərdə siyasətə daxil olub, əvvəlcə Sankt-Peterburq meri Sobçakın müavini, sonra isə Moskvada prezident administrasiyasının yüksək vəzifəli üzvü kimi çalışıb. 1999-cu ildə Boris Yeltsinin istefasından sonra prezident olub.

5.11 yaşından cüdo ilə məşğul olur, bu sahədə kitablar da yazıb.

6.Putinin "Beatles" qrupunu sevdiyi və ən çox "Yesterday" mahnısına üstünlük verdiyi bildirilir.

7. Qara dəniz sahilində yerləşən, dəyəri 1 milyard dollardan çox olan dəbdəbəli iqamətgahla bağlı məlumatlar var. Kompleksdə hovuz, teatr, kazinolar və gizli tunellər yerləşir.

8.1983-cü ildə Lyudmila Şkrebnevaya ilə evlənib, iki qızı - Mariya və Katerinası var. Cütlük 2013-cü ildə boşanıb.

9. Putinin müxtəlif heyvanlarla fotoları məşhurdur. O, həm ev heyvanlarını sevir, həm də heyvanların qorunması ilə bağlı qanunların qəbuluna dəstək verir.

10. 1990-cı illərdə Vladimir Putin Anatoli Sobçakla işləyib. Sobçak 1996-cı il seçkilərində uduzanda Putin taksi sürücüsü işləməyi düşündü. İndiki dövlət başçısının artıq belə bir təcrübəsi var idi - 1991-ci ildə o, ailəsinin gəlirini artırmaq üçün küçədən sərnişin götürürdü. O vaxt Putin 1999-cu ildə prezident postunu tutacağını ağlına belə gətirə bilməzdi.