Dünya

Spiker Pelosi Trampı ABŞ üçün təhlükəli adlandırıb

14 Yanvar 2021 07:15
Baxış: 650
VTB-də minimal faiz dərəcəsi ilə nağd kredit 9.9%-dən
#DÜNYADA

ABŞ prezidenti Donald Tramp "silahlı qiyam"ın səbəkarı oldu, ölkə üçün təhlükə yaradır və vəzifəsindən kənarlaşdırılmalıdır.

Milli.Az Trend-ə istinadən bildirir ki, spiker Nensi Pelosi (demokrat, Kaliforniya ştatı) ABŞ Nümayəndələr Palatasında dövlət başçısının impiçmentinə dair iclasda belə açıqlama verib.

"ABŞ prezidentinin bu iğtişaşı, ölkəmizə qarşı bu silahlı üsyanı başlatdığını bilirik. O getməlidir. O hamımızın sevdiyimiz ölkə üçün açıq və təcili bir təhlükə yaradır" - Pelosi deyib.

"Prezidentə impiçment tətbiq olunmalıdır. Hesab edirəm ki, prezident Senat tərəfindən təqsirli bilinməlidir. [İmpiçment] Bizə əziz olanı məhv etmək əzmindəki bir insandan ölkənin xilas olacağına zəmanət verən konstitusiya vasitəsidir" - spiker əlavə edib.

Xatırladaq ki, yanvarın 6-da Trampın tərəfdarları ABŞ Konqresinə girərək Cozef Baydenin qazandığı 3 noyabr prezident seçkilərinin nəticələrinin təsdiqlənməsinə mane olmağa çalışıblar. Konqresdəki Demokratlar Trampı qiyam qaldırmaqda günahlandırıb və onun hakimiyyətdən uzaqlaşdırılmasını istəyiblər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.