Dünya

İtaliya Avropada Milad bayramı günlərində xizək tətilinin qadağan olunmasını istəyir

25 Noyabr 2020 06:30
Baxış: 411

İtaliya hökuməti dağ-xizək idmanının inkişaf etdiyi ölkələrlə, xüsusilə də Alp dağlarında yerləşən qonşuları ilə Milad bayramı müddətində xizək cığırlarının bağlanması barədə müzakirələr aparmaq niyyətindədir.

Milli.Az AZƏRTAC-a istinadən bildirir ki, rəsmi Romanın məqsədi Avropa ölkələrində xizək tətilinin qadağan edilməsi və bu yolla koronavirus pandemiyasının yayılmasının qarşısının alınmasıdır.

"La Repubblica" qəzetinin hökumət dairələrindən əldə etdiyi məlumata əsasən, xizək cığırlarının fəaliyyətinə yanvarın sonunda icazə verilməsi məqsədəuyğun olardı. Həmin vaxtadək isə Avropa ölkələrində yoluxma hallarının sayı ciddi şəkildə aşağı düşmüş olacaq və Avropa ölkələrində vaksinasiya proqramlarına start veriləcək. Hazırda İtaliyada pandemiyanın tüğyan etdiyini nəzərə alaraq, İtaliya hökuməti Milad bayramı dövründə qaydaların yumşaldılması barədə düşünmür. Əksinə, Cüzeppe Kontenin rəhbərlik etdiyi hökumət Milad bayramı dövrü üçün əlavə qaydaların tətbiqinə hazırlaşır və həmin qaydalar dekabrın 3-dən qüvvəyə minməlidir.

Yanvarın 11-dək qüvvədə olacaq qaydalara əsasən, ibtidai siniflər istisna olmaqla, bütün məktəblər üzrə dərslər distant formada tədris ediləcək. Eyni zamanda, ticarət obyektlərinin fəaliyyəti saat 22:00-dək uzadılacaq ki, bayram ərəfəsində müştərilərin sıxlığı yaranmasın.

Qəzetin məlumatına görə, İtaliya hökumətinin xizəksürmə mərkəzləri ilə bağlı bu yanaşması yanvar ayında yoluxmanın yeni dalğasının başvermə təhlükəsi ilə əlaqədardır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.