Dünya

Bu ölkədə sərt karantin rejimini yumşaldılır

16 Oktyabr 2020 20:46
Baxış: 946

İsrail hökumətinin koronavirusun yayılmasının qarşısını almaq üzrə komissiyası 18 sentyabr tarixindən tətbiq olunan və 25 oktyabrdan sərtləşdirilən karantinin yumşaldılmasının ilk mərhələsinə başlamağa qərar verib.

Milli.Az medicina.az-a istinadən xəbər verir ki, yeni infeksiyaların sayına dair məlumatların artması yenidən davam edərsə, qərarın yenidən nəzərdən keçiriləcəyi bildirilir.

Qərara uyğun olaraq karantindən çıxış planının birinci mərhələsində ziyarətçi qəbul etməyən müəssisələrin, çatdırılma üzərə işləyən yeyinti məntəqələrinin, Səhiyyə nazirliyinin təsdiqlədiyi plana əsasən altı yaşınadək uşaqlar üçün körpələr evi və uşaq bağçalarının, təbiət qoruqlarının, milli parkların açılması daxildir. Evdən çıxma və ziyarətdə olma qadağası açıq məkanda 20, bağlı məkanda 10 nəfərdən çox toplanmamaq şərti ilə qaldırılır. Bütün digər məhdudiyyətlər qüvvədə qalmağda davam edir.

Hakimiyyət mərhələli yumşaldılma ilə ölkə iqtisadiyyatının bəzi sahələrinin fəaliyyətlərinin bərpasına və işsizlik səviyyəsinin azaldılmasına nail olmaq niyyətindədir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.