Dünya

“Lotu Quli”nin dəstəsinə bu şəxs başçılıq edəcək - Varis elan edildi

17 Sentyabr 2020 16:20
Baxış: 8 487

Türkiyədə qətlə yetirilmiş məşhur "qanuni oğru" Nadir Səlifovun (Lotu Quli) doğma qardaşı olan, "Namiq Bakinski" ləqəbi ilə tanınan Namiq Səlifov qardaşının varidatının varisi elan edilib.

Milli.Az avtosfer.az-a istinadən bildirir ki, kriminal dairələrin iki nüfuzlu şəxsi Merab Mzerelua ilə Masi Qvaramiyanı barışdırmağı bacaran Namiq Səlifovun nüfuzu artıb və o, kriminal aləmin qeyd-şərtsiz lider statusuna yüksəlib.

Qardaşı "Lotu Quli"dən fərqli olaraq Namiq Səlifov böyük "sxodka"larda iştirak etməyib, bir çox avtoritetlərlə şəxsən tanış deyil.

O, danışıqlara meyilli şəxs kimi tanınır. Namiq Səlifov Ural bölgəsində ciddi təsir imkanlarına malikdir.

Üstəlik heç bir şəxs onun əlində olan imkanlara sahib deyil.

Xatırladaq ki, Namiq Səlifov 2001-ci ilin aprel ayında azadlığa çıxıb və 2013-cü ildə İstanbulda "qanuni oğru" adını alıb.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.