Dünya

Venesuelada koronavirusa yoluxanların sayının artması ilə əlaqədar ölkədə məktəblərin açılışı dayandırılır

16 Sentyabr 2020 02:32

Baxış: 1 005

#DÜNYADA #VENESUELA

Venesuela Prezidenti Nikolas Maduro ölkədə COVID-19 xəstəliyinə yoluxma sayının 60 mindən yuxarı olması müəyyən ediləndən sonra məktəblərin açılmasını dayandırıb.

Milli.Az AZƏRTAC-a istinadən bildirir ki, dövlət başçısı məktəbə qayıdışın pandemiyaya qarşı mübarizəyə kömək etməyəcəyini vurğulayıb. Buna görə də Venesuelada dərslər yanvar ayınadək dayandırılır. Ölkədə tədris prosesi distant şəkildə keçiriləcək.

Bazar ertəsi Venesuelada COVID-19-a 910 yeni yoluxma faktı müşahidə edilib. Nəticədə ölkədə koronavirusa tutulanların ümumi sayı 60.540 nəfərə çatıb.

Venesuela martın 13-dən başlayaraq döyüş hazırlığı vəziyyətindədir. Bu isə, öz növbəsində, hakimiyyət orqanlarının pandemiya ilə mübarizədə radikal qərarlar qəbul etməsinə şərait yaradır.

Oktyabrın 12-dək ölkədə hava daşımalarına da məhdudiyyət qoyulub.

Milli.Az