Dünya

İran Ermənistana silah göndərməsini xəbərini təkzib edir

14 Sentyabr 2020 12:50
Baxış: 2 137
VTB-də minimal faiz dərəcəsi ilə nağd kredit 9.9%-dən
#IRAN #ERMƏNİSTAN #DAĞLIQ QARABAĞ MÜNAQİŞƏSİ #PARLAMENT

İranın Ermənistana silah göndərməsi barədə yayılan şayiələri qətiyyətlə təkzib edirik.

Milli.Az bildirir ki, bunu APA-nın İran müxbirinə İran parlamentinin daxili məsələlər üzrə komissiya sədrinin müavini olan Məhəmməd Həsən Asəfəri deyib.

O bildirib ki, münaqişə tərəflərinə hər hansı silahın göndərilməsi müharibənin alovlanması məqsədi daşıyır: "Biz indiyə kimi bir münaqişə tərəflərinə "Kalaşnikov" avtomatı belə göndərməmişik. Xüsusən də Ermənistana silah göndərməkdən əsla söhbət gedə bilməz".

O qeyd edib ki, İran bölgədə, Xəzəryanı ölkələrdə, Mərkəzi Asiya ölkələrində sülh və sabitliyin yaradılmasının tərəfdarıdır. "İran bölgə xalqları arasında birliyin yaradılması üçün əlindən gələni edir və çalışır. İran hesab edir ki, bu gün bölgədə hər hansı bir müharibə baş verərsə, ziyanı Xəzəryanı ölkələrin hamısına dəyəcək".

Asəfəri qeyd edib ki, İran Azərbaycan və Ermənistan arasında vasitəçilik etməyə hazırdır: "Tərəflər razılaşarlarsa, müzakirələrin Tehranda və ya tərəflərin istədiyi hər hansı üçüncü ölkədə keçirilməsinə hazırdır".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.