Dünya

ÜST: Qaydalara ciddi şəkildə riayət olunmasa infeksiyanın səviyyəsi davamlı şəkildə yüksələ bilər

5 İyul 2020 07:34
Baxış: 777

Ümumdünya Səhiyyə Təşkilatının (ÜST) rəyincə, dünyanın bir çox ölkələrində koronavirus infeksiyasına yoluxmanın yenidən artması pandemiyanın ilk dalğasının ikinci pik nöqtəsi kimi dəyərləndirilməlidir.

Milli.Az AZƏRTAC-a istinadən xəbər verir ki, bu fikirləri təşkilatın fövqəladə hallar proqramının icraçı direktoru Maykl Rayan Cenevrədə keçirilən brifinqdə bildirib. O bildirib ki, gigiyena qaydaları, sosial məsafənin qorunması və yoluxmuş şəxslərin və onlarla ünsiyyətdə olanların effektiv təcridi tədbirlərinə ciddi şəkildə riayət olunmalıdır. Əks halda, infeksiyanın səviyyəsi davamlı şəkildə yüksələn xətlə inkişaf edə bilər.

M.Rayan, həmçinin bildirib ki, ikinci dalğanın baş verməsi potensialı qış mövsümündə daha çox real görünür. Çünki qış aylarında insanlar qapalı məkanlarda daha sıx şəkildə bir araya gəlirlər və bu zaman infeksiyanın insanlar arasında yayılması yeni sürət tempi əldə edə bilər.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.