Dünya

Koronavirusa yoluxanların sayı 10 milyon yarıma çatır - Ən son statistika

30 İyun 2020 17:18

Baxış: 1 650

VTB-də minimal faiz dərəcəsi ilə nağd kredit 10.49%-dən

#DÜNYADA #KORONAVİRUS

Koronavirusa yoluxanların sayı 10 milyon yarıma yaxınlaşır.

Milli.Az xəbər verir ki, yeni növ koronavirusa yoluxanların sayı 10,436,954-ə çatıb. Bugünkü statistikaya görə 508,876 Covid-19 səbəbi ilə dünyasını dəyişib.

ABŞ koronavirusa yoluxanların və ölənlərin sayına görə siyahıda uzun müddətdir ki liderdir. Siyahıda ikinci yeri Braziliya, üçüncü yeri isə Rusiya tutur.

Bu xəstəlikdən müalicə olunaraq sağalanların sayı isə 5,695,572 nəfərdir. Lakin mütəxəssislərin fikrincə koronavirusdan tamamilə sağalmaq mümkün deyil. Belə ki, koronavirusdan sağalan şəxslərin ağciyərlərinin fəaliyyəti xeyli zəifləyir, gələcəkdə sürətli hərəkət zamanı təngnəfəsliyə səbəb olur.

Qeyd edək ki, Koronavirus infeksiyası ötən ilin noyabr ayında Çinin Uhan şəhərindən yayılmağa başlayıb. Hazırda virus 213 ölkə və bölgədə qeydə alınıb. Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Bəxtiyar Umarlı
Milli.Az