Dünya

Çin müdafiə xərclərini son 32 ildə ən aşağı həddə artırır

22 May 2020 21:59
0 Şərh     Baxış: 716

Çin cari maliyyə ili üçün ölkənin müdafiə xərclərini ötən illə müqayisədə 6,6 faiz artırmağı planlaşdırıb.

Milli.Az AZƏRTAC-a istinadən bildirir ki, bu barədə mayın 22-də Pekində işə başlayan 13-cü çağırış Ümumçin Xalq Nümayəndələri Yığıncağının üçüncü sessiyasında müzakirəyə çıxarılan büdcə layihəsində qeyd olunub. Büdcə layihəsində cari maliyyə ili üçün müdafiə xərcləri 1,27 trilyon yuan (178 milyard ABŞ dolları) səviyyəsində müəyyənləşdirilib. Nəzərdə tutulan 6,6 faizlik artım ötən illə müqayisədə aşağı olmaqla yanaşı, 1988-ci ildən bəri ən aşağı illik artım rəqəmidir.

ÜXNY-nin illik sessiyasının mətbuat katibi Can Yesuy bildirib ki, Çinin hərbi xərcləri müdafiə xarakterlidir və ÜDM-in nisbəti, onun əhalinin hər nəfərinə düşən payı baxımından mütənasibdir.

Qeyd edək ki, cari maliyyə ili üçün dövlət büdcəsinin, o cümlədən müdafiə büdcəsinin 13-cü çağırış Ümumçin Xalq Nümayəndələri Yığıncağının (ÜXNY) mayın 28-dək davam edəcək üçüncü sessiyasının gedişində müzakirəsi və təsdiqi nəzərdə tutulub.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.