Dünya

Dəfn mərasimində koronavirus yayıldı, rayon rəhbəri işdən çıxarıldı

21 May 2020 11:34

0 Şərh Baxış: 4 429

VTB-də minimal faiz dərəcəsi ilə nağd kredit 9.9%-dən

#RUSİYA #KORONAVİRUS

Yas məclisində 155 nəfərin koronavirusa yoluxması rayon rəhbərinin istefası ilə nəticələnib.

Milli.Az oxu.az-a istinadən xəbər verir ki, hadisə Adıgey Respublikasının Krasnoqvardeysk rayonunda qeydə alınıb.

Belə ki, mayın 1-də rayonun aullarından birində "çox hörmətli şəxs"in dəfn mərasimi keçirilib. Yas məclisində 500 nəfər iştirak edib. Onlar arasında nəinki sosial məsafə qorunmayıb, maska və əlcəkdən belə istifadə edilməyib.

Tədbirdən bir neçə gün sonra bir nəfər koronavirus şübhəsi ilə xəstəxanaya yerləşdirilib. Lakin mayın 20-də rayonda daha 155 sakininin COVID-19-a yoluxduğu aşkarlanıb.

Koronavirusun ocağını lokallaşdırmaq üçün rayonda yaşayış məntəqələri arasında gediş-gəliş yasaqlanıb, ictimai yerlər dezinfeksiya edilib, maska-əlcək rejiminə keçilib.

Ancaq bütün bunlar rayon rəhbəri Albert Osmanovun istefasının qarşısını ala bilməyib. Onun vəzifəsindən azad edilməsi məsələsinə rayon Xalq Deputatları Şurasının növbədənkənar iclasında baxılıb.

Milli.Az