Dünya

Misir parlamenti pandemiya ilə əlaqədar hökumətə müraciət edib

9 Aprel 2020 08:52
0 Şərh     Baxış: 465

Misir parlamenti yeni növ koronavirus pandemiyası ilə əlaqədar hökumətə müraciət edib. Millət vəkilləri COVID-19 virusunun daha çox yayılmasının qarşısını almaq məqsədilə ölkənin bütün vilayətləri arasında 14 gün müddətinə insanların və nəqliyyatın hərəkətinin dayandırılmasını, ucqar rayonlarda da karantin xəstəxanalarının təşkil edilməsini tövsiyə ediblər.

Milli.Az AZƏRTAC-a istinadən bildirir ki, Misirdə aprelin 8-də koronavirusa yoluxanların və həyatını itirənlərin sayı artıb. Bu ölkənin Səhiyyə Nazirliyi ötən sutka ərzində 9 nəfərin dünyasını dəyişdiyini və beləliklə, ölü sayının 104-ə çatdığını bəyan edib. Eyni zamanda, COVID-19 virusuna daha 110 nəfər yoluxub, xəstələrin sayı isə 1560 nəfərə çatıb. Həmin gün 29 xəstə sağalıb ki, bunlardan ikisi əcnəbidir. İndiyədək karantin xəstəxanalarında tam müalicə olunanların sayı 304 nəfərdir.

Bundan başqa, Misirin Baş Naziri Mustafa Madbuli ölkədə karantin rejiminin daha üç həftə müddətinə uzadıldığını bildirib.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.