Dünya

Aİ səhiyyə nazirlərinin koronavirusa dair görüşü keçiriləcək

24 Fevral 2020 08:59
0 Şərh     Baxış: 1 277
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Avropa İttifaqının səhiyyə nazirlərinin yeni növ koronavirusa dair görüşü keçiriləcək.

Milli.Az Trend-ə istinadən bildirir ki, bunu Fransanın səhiyyə naziri Olivye Veran deyib.

Onun sözlərinə görə, nazirlər İtaliyada yoluxma hallarının kəskin artmasından sonra koronavirus epidemiyası riskinə qarşı mübarizəni müzakirə edəcəklər.

O.Veran ötən gün Almaniya və İtaliyanın səhiyyə nazirləri ilə vəziyyəti müzakirə edib. O, daha çox nazirin iştirakı ilə görüşün bu həftə keçirilə biləcəyini deyib: "Biz Aİ-nın bir neçə səhiyyə nazirinin iştirak edəcəyi görüş barədə razılığa gəldik".

Nazir qeyd edib ki, Fransada koronavirusla əlaqədar vəziyyət "stabildir", ölkə ərazisində yeni yoluxma halları qeydə alınmayıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.