İranın şimalında yerləşən Gilan vilayətində yağan güclü qar 8 nəfərin ölümünə səbəb olub.
Milli.Az Trend-ə istinadən xəbər verir ki, bunu İranın Təcili Yardım Təşkilatının sözçüsü Muctaba Xaledi deyib. Onun sözlərinə görə, Rudbar rayonunda uçqun nəticəsində 5 nəfər, Rəşt şəhərində isə 2 nəfər qar təmizləyərkən hündürlükdən yıxılaraq həlak olub.
Xaledi bir nəfərin təcili yardıma çatdırlmadığı üçün ürək çatışmazlığından öldüyünü deyib. Təşkilat rəsmisi bildirib ki, qar və uçqun nəticəsində ümumilikdə 85 nəfər xəsarət alıb.
Güclü qar səbəbi ilə İranın müxtəlif bölgələrində 4,3 min nəfər müvəqqəti sığınacaqlarda yerləşdirilib.
İranın bir sıra vilayətlərində məktəblərin fəaliyyəti dayandırılıb.
Milli.Az