İdman

UEFA icazə verdi: Avropa futbolunda bir ilk yaşanır

7 Oktyabr 2025 00:34
Baxış: 3 819
VTB-də minimal faiz dərəcəsi ilə nağd kredit 9.9%-dən
#FUTBOL

Avropa futbolunda tarixi qərar qəbul edilib. UEFA-nın verdiyi icazə ilə İspaniya La Liqası və İtaliya A Seriyası çərçivəsində iki oyun ilk dəfə olaraq Avropa qitəsindən kənarda keçiriləcək.

Villarreal - Barcelona matçı ABŞ-ın Mayami şəhərində keçiriləcək.

Milan - Como qarşılaşması isə Avstraliyanın Pert şəhərində baş tutacaq.

UEFA rəsmi açıqlamasında bildirdi ki, klubların müraciətləri mövcud qaydalardakı boşluqlara görə tərəddüdlə və "istisnai hal" kimi qəbul olunub.

UEFA prezidenti Aleksander Çeferin qərarı şərh edərək bildirib:

"Bu iki oyunun ölkə xaricində keçirilməsinə icazə vermək bizim üçün xoş qərar deyil və bu hal gələcək üçün nümunə kimi dəyərləndirilməməlidir."

Bu qərarla birlikdə Avropa klubları rəsmi liqa oyunlarını ilk dəfə olaraq qitə xaricində oynayacaq. Bu addım həm kommersiya, həm də qlobal azarkeş kütləsinə çıxış baxımından böyük əhəmiyyət daşıyır.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.