Texnologiya

"Wi-Fi" ilə bağlı bunları bilməlisiz

7 Oktyabr 2025 04:04

Baxış: 300

VTB-də yüksək depozit faizleri daha çox qazandırır

#TEXNOLOGİYA #Wİ-Fİ

İnformasiya Kommunikasiya Texnologiyaları Agentliyində internet provayderləri ilə keçirilən görüşdə fərdi evlərdə və müəssisələrdə Wi-Fi şəbəkələrinin qurulmasında təhlükəsizlik qaydalarına əməl olunmamasının ciddi risklər yaratdığı vurğulanıb.

Milli.Az xəbər verir ki, kibertəhlükəsizlik mütəxəssisi Rüstəm Müzəffərov bildirib ki, əsas təhlükələrdən biri zəif parollardır:

"İnsanlar çox zaman sadə və asan təxmin edilə bilən şifrələrdən istifadə edirlər. Köhnəlmiş şifrələmə metodları, routerlərin proqram təminatının yenilənməməsi və ağıllı cihazların zəif müdafiəsi də riskləri artırır".

Bundan əlavə, istifadəçilər tez-tez iki mərhələli yoxlamanı aktiv etmədən cihazlardan istifadə edir, təhlükəsizlik ayarlarını dəyişmədən routerləri qoşur və açıq Wi-Fi şəbəkələrinə VPN-siz qoşulurlar. Bu da şəxsi məlumatların oğurlanmasına və şəbəkənin kiberhücumlarda istifadə olunmasına səbəb ola bilər.

Elektron Təhlükəsizlik Xidməti bu kimi halların qarşısını almaq üçün maarifləndirici tədbirlər həyata keçirir. Eyni zamanda, provayderlər müştərilərə təhlükəsizliklə bağlı təlimatlar verməli, etibarlı avadanlıq, valideyn nəzarəti, qonaq şəbəkəsi və sistem yeniləmələri barədə məlumatlar təqdim etməlidirlər.

Asya
Milli.Az