Dünya

Sürpriz diplomatik addım: Putin və Netanyahu telefonla danışdı

7 Oktyabr 2025 00:31
Baxış: 1 672
VTB-də minimal faiz dərəcəsi ilə nağd kredit 9.9%-dən
#PUTİN

Rusiya Prezidenti Vladimir Putin, İsrailin Baş naziri Binyamin Netanyahu ilə ABŞ Prezidenti Donald Trampın "Qəzza planı" barədə telefon danışığı aparıb. Danışıqlarda əsas mövzular Fələstin probleminin həlli və regional sabitlik məsələləri olub.

Xatırladaq ki, ötən həftə Donald Tramp Ağ Evdə Netanyahu ilə görüşdükdən sonra 20 maddəlik Qəzza Planını açıqlamışdı. İsrail hökuməti planı qəbul etdiyini bəyan etmiş, HƏMAS isə sənədi qismən qəbul etdiyini bildirmişdi.

Bu inkişafların ardından diqqət Misirə yönəlib. Bildirilib ki, İsrail və HƏMAS nümayəndə heyətləri arasında Qəzza ilə bağlı danışıqlar Misirdə start götürüb.

Kremlin yaydığı məlumata görə, Putinlə Netanyahu arasında gözlənilməz telefon danışığı baş tutub. Söhbət zamanı Trampın Qəzza planı ətraflı şəkildə müzakirə edilib.

Putin, Rusiya Federasiyasının Fələstin probleminin beynəlxalq hüquqa əsaslanan geniş və ədalətli həllinə dair prinsipial mövqeyini bir daha vurğulayıb.

Bundan əlavə, tərəflər digər regional məsələlər barədə də fikir mübadiləsi aparıblar. Xüsusilə İranın nüvə proqramı ilə bağlı danışıqlı həll yolları və Suriyada sabitliyin gücləndirilməsi məsələləri müzakirə mövzusu olub.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.