PUL
Türkiyənin xəzinə və maliyyə naziri, prezident Rəcəb Tayib Ərdoğanın kürəkəni Berat Albayrak "IMF-Dünya Bankı" və "G20" toplantısında iştirak etmək üçün ABŞ-a rəsmi səfər edib.
Milli.Az qafqazinfo-ya istinadən xəbər verir ki, nazir səfər çərçivəsində ABŞ prezidenti Donald Trampın qəbulunda olub.
Görüşdə ABŞ-ın maliyyə naziri Stiven Mnuçin, ABŞ prezidentinin sözçüsü və kürəkəni Cared Kuşner də iştirak edib. Bu, Ağ Evdə baş tutmuş tarixi görüşlərdən biri kimi dəyərləndirilir.
Görüşdə iqtisadi əməkdaşlıq, "S -400" raket sistemləri ilə bağlı məsələlər müzakirə olunub. Qeyd olunub ki, iki ölkə arasında ticarətin miqdarı 75 milyard dollara çatıb.
Görüşü şərh edən B. Albayrak bildirib: "Donald Trampdan olduqca müsbət rəylər aldıq. Bu barədə prezident Rəcəb Tayyib Ərdoğanı məlumatlandıracağıq".
O, həmçinin ABŞ və Türkiyə prezidentlərinin yaxın zamanlarda görüşəcəyinin də anonsunu verib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
