Dünya

Nəriman Nərimanovun abidəsi götürüləcəkmi? - Gürcüstan rəsmisi açıqladı

9 Fevral 2019 17:30

0 Şərh Baxış: 1 811

VTB-də minimal faiz dərəcəsi ilə nağd kredit 9.9%-dən

#CƏMİYYƏT #GÜRCÜSTAN

Marneulidə Nəriman Nərimanovun abidəsinin götürüləcəyi ilə bağlı yayılan məlumatlar həqiqətə uyğun deyil.

Milli.Az report-a istinadən bildirir ki, bunu Marneuli rayon bələdiyyəsinin sədri Amiran Giorqadze bildirib.

O, Bələdiyyə Məclisinin iclasında çıxış edən zaman deyib ki, abidənin köçürülməsi haqqında nə Bələdiyyə Məclisində, nə də meriyada söhbət olub: "Deputatları çağırıram ki, əgər sizin icmalarınızda bu barədə söhbət olarsa, əhaliyə düzgün məlumat verin və çox xahiş edirəm, bu məsələyə diqqətlə yanaşın".

Qeyd edək ki, son günlər Marneulidə Azərbaycanın görkəmli dövlət xadimi və ədibi Nəriman Nərimanovun büstünün olduğu parka Merab Kostavanın adının verilməsi və abidənin yerinin dəyişdiriləcəyi haqqında məlumatlar yayılıb. Yanvarın 28-də azərbaycanlı gənclər və ziyalılar büstün önündə N.Nərimanovun adının yaşadılması tələbi ilə aksiya keçirib. Aksiya iştirakçıları Marneuli rayon bələdiyyəsinin sədri A.Giorqadzeyə müraciət qəbul ediblər. Onlar N.Nərimanovun büstünün götürülməsinə qəti etirazlarını ifadə edərək, abidənin götürülməsinə heç vaxt yol verməyəcəklərini bildiriblər.

Milli.Az