Dünya

Kaxa Kaladze: "Gürcüstan İrana elektrik enerjisinin ötürülməsində maraqlıdır" - FOTO

10 Noyabr 2015 22:28

0 Şərh Baxış: 656

VTB-də minimal faiz dərəcəsi ilə nağd kredit 10.49%-dən

Gürcüstan və Ermənistan arasında elektrik xətti çəkilə bilər və bu xətt vasitəsilə tranzit yolu ilə İrana elektrik enerjisinin ötürülməsi mümkün ola biləcək.
Milli.Az APA-ya istinadən bildirir ki, bu barədə noyabrın əvvəlində Tiflisdə Gürcüstanın energetika naziri Kaxa Kaladze ilə görüşən Ermənistanın energetika naziri Yervand Zaxaryan jurnalistlərə açıqlamasında bildirib. Kaxa Kaladze isə öz növbəsində İrana tranzit yolu ilə elektrik enerjisinin ötürülməsində maraqlı olduqlarını bildirib: "Bu ölkəyə münasibətimiz dəyişib və biz İrana elektrik enerjisi ötürməkdə və bu ölkədən qaz almaqda maraqlıyıq", deyə K. Kaladze bildirib.

Gürcü nazir noyabr ayı ərzində bu məsələləri müzakirə etmək üçün İrana səfər etmək niyyətindədir.

Jurnalistlərə açıqlama verən Ermənistanın energetika naziri Yervand Zaxaryan Rusiya qazının həcminin Gürcüstandan keçməklə artırılması barədə fikirlərin olduğunu təsdiqləyib. "Əgər, bizim qaz təchizatı sahəsində imkanlarımız yaranarsa, biz mütləq bu qazı "Qazprom"dan alacağıq", deyə nazir bildirib.

O, qeyd edib ki, Ermənistan Rusiyanın "Qazprom" şirkətindən aldığı 1000 kubmetr qaza görə 165 dollar ödəyir.
Milli.Az