Dünya

Dünyanın ən məşhur yazıçısı Bakıya gələcək

16 Dekabr 2014 16:48
0 Şərh     Baxış: 1 343
VTB-də minimal faiz dərəcəsi ilə nağd kredit 9.9%-dən
#DÜNYADA #MƏDƏNİYYƏT #MƏŞHURLAR
"Yarımçıq əlyazma" ("İl manoscritto incompleto") romanının İtaliyadakı təqdimat mərasimlərinə qatılan Kamal Abdulla dünya şöhrətli yazıçı Umberto Ekonun istəyi ilə evində görüşərək onu və xanımını Azərbaycana dəvət edib.

Umberto Eko Kamal Abdullanı öz məşhur və zəngin kitabxanası ilə tanış edib, burada saxlanan qədim əlyazmalar və müasir nadir nüsxələr barədə maraqlı məlumatlar verib.

Milli.Az virtualaz.org-a istinadən xəbər verir ki, görüşdə hər iki yazıçı Azərbaycanın bu günündən, tarix və mədəniyyətindən söhbət edib.

Umberto Eko Kamal Abdullanın italyanca çap olunmuş "Yarımçıq əlyazma" romanını oxuduğunu bilidirib. Bu münasibətlə yazıçını təbrik edib və ona öz ürək sözlərini çatdırıb. Roman "Sandro Teti" nəşriyyatında çap olunub.

Görüşə qatılan nəşriyyat müdiri Sandro Teti professor Franko Kardininin romana yazığı ön sözlə bağlı Umberto Ekoya sual verib: "Professor Kardini ön sözdə qeyd edir ki, Kamal Abdulla heç şübhəsiz qraf Pototski, dahi Manzoni və eləcə də professor Ekonun bəyənib təqdir edəcəyi bir əsərlə bizi onlar kimi təəccübləndirir və çaşqınlıq yaradır. Professor Kardiniyə inanmaq olarmı?"

Görkəmli yazıçı sualı eşidincə gülümsəyib və belə cavablayıb: "Bu məsələdə mənimlə bağlı professor Kardiniyə inanmaq olar. Manzoniyə gəlincə o, bu dünyada olmadığından Allahdan soruşmaq lazımdır".

Görüş zamanı Kamal Abdulla professor Umberto Eko və xanımını Azərbaycana dəvət edib. Ev sahibləri dəvəti məmnuniyyətlə qəbul ediblər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.