Dünya

Ərdoğan növbəti dəfə BMT-ni tənqid etdi

29 Sentyabr 2014 11:52
1 Şərh     Baxış: 1 094
VTB-də minimal faiz dərəcəsi ilə nağd kredit 9.9%-dən
#TÜRKİYƏ

"Haqlının güclü olduğu bir dünya istəyiriksə, o halda bu 5 ölkə dünyanın taleyinə hökm etməməlidir"

Türkiyə prezidenti Rəcəb Tayyib Ərdoğan növbəti dəfə Birləşmiş Millətlər Təşkilatının fəaliyyətini tənqid edib.

Anspress-in məlumatına görə, İstanbulda keçirilən Dünya İqtisadi Forumunda çıxışı zamanı Ərdoğan qeyd edib ki, hazırda beynəlxalq sistemdə - siyasi-iqtisadi sahələrdə dünyanın gələcək taleyi qeyri-müəyyən olan bir keçid dövrü yaşanır. Ərdoğan bu dövrün BMT-nin 5 daimi üzvü tərəfindən müəyyən edildiyini, lakin bunun qəbuledilməz olduğunu deyib.

"Dünya 5-dən böyükdür. Dünyanın taleyini bu 5-liyin hökmünə buraxa bilmərik. Artıq dünya ikinci dünya müharibəsinin şərtləri ilə yaşayan bir dünya deyil. İki tərəfli görüşlərin hamısından dövlət başçıları mənim bu sözlərinə haqq verdilər. Lakin BMT tribunasına çıxdıqları zaman heç kim bu barədə danışmır... Cənab Obama öz nitqində bu sözləri işlətdi. Haqlının güclü olduğu bir dünya. Haqlının güclü olduğu bir dünya istəyiriksə, o halda, bu 5 ölkə dünyanın taleyinə hökm etməməlidir. Daimi və ya müşahidəçi üzv ayrı-seçkiliyi olmamalıdır", - deyə Ərdoğan qeyd edib.

Ərdoğan Türkiyənin İŞİD terrorçu qruplaşmasına qarşı mübarizədə Türkiyə hökumətinin də müəyyən yol xəritəsi izləyəcəyini deyib. Lakin hələlik Türkiyənin İŞİD-lə mübarizə planının təfərrüatları məlum deyil.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.