Dünya

Ruhani ilk dəfə Rusiyada

29 Sentyabr 2014 11:58
0 Şərh     Baxış: 995
VTB-də minimal faiz dərəcəsi ilə nağd kredit 9.9%-dən
#IRAN #RUSİYA

Bu gün Xəzəryanı dövlətlərin Həştərxan sammiti başlayır

İran prezidenti Həsən Ruhani bu gün başlayan Xəzəryanı dövlətlərin zirvə görüşündə iştirak etmək üçün sentyabrın 28-də Rusiyanın Həştərxan şəhərinə gedib.

Anspress-in İranın Mehr agentliyinə istinadən verdiyi məlumata görə, sentyabrın 29-da prezident Ruhaninin sammitdə nitqlə çıxış edəcəyi planlaşdırılıb.

Həsən Ruhani gəlişində "Biz ölkələrimiz arasında yaxşı əlaqələrin qurulmasına çox şadıq. Rusiya bizim üçün çox yaxşı qonşudur, Həştərxan isə - əlaqələrimizin inkişafı üçün əsas bölgədir" sözlərini işlədib.

Qeyd edək ki, 2013-cü ildə mal mübadiləsi 250 milyon dollara çatan Həştəxanda İran sərmayəsi ilə 160 şirkət fəaliyyət göstərir, İran Milli Bankının filialı açılıb, humanitar sahədə əməkdaşlıq inkişaf edir.

Sammit gedişində İran prezidentinin Vladimir Putin başda olmaqla Rusiya rəhbərliyilə görüşləri nəzərdə tutulub.

Qeyd edək ki, bazar ertəsi keçiriləcək Xəzəryanı dövlətlərin Həştərxan sammitində Azərbaycan, İran, Rusiya, Qazaxıstan və Türkmənistan başçılarının da iştirakı gözlənilir.

Sammit gündəliyinin əsas məsələsi tərəflər arasında Xəzərin hüquqi statusunun və dəniz ehtiyatlarından istifadə qaydalarının razılaşdırılması ilə bağlıdır.

Xatırladaq ki, sammit ərəfəsi diplomatik mənbələr sahilyanı dövlətlərin Xəzər dənizində xarici hərbi qüvvələrinin mövcudluğunu yasaqlayan müqavilənin razılaşdırdığını xəbər verərək, həmin sənədin Həştərxanda imzalanacağını bildirmişdilər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.